O mundo pode cambiar, pero non vai cambiar só

Un total de 75 organizacións, entre elas Amnistía Internacional, dirixíronse mediante unha carta aberta ao Presidente de Goberno, Mariano Rajoy, para instarlle a que aprobe un II Plan de Dereitos Humanos para a X Lexislatura, que dea continuidade e consolide o Plan anterior, posto en marcha en 2009.

Mariano Rajoy. Autor PP Castilla e León baixo licencia cc by-nc-sa 2.0.

Esta solicitude enlaza coa petición de Nacións Unidas para que os diferentes Estados adopten Plans Nacionais de Dereitos Humanos, e coa resolución adoptada en xuño pasado no Congreso dos Deputados no transcurso do Debate do Estado da Nación, coa que a maioría dos partidos políticos, incluída a totalidade do Grupo Popular, comprometéronse a adoptar un novo Plan para a X Lexislatura.

Para as organizacións que asinan, o Plan debe garantir medidas concretas tanto de política exterior como de política interior. Igualmente debe incorporar obxectivos claros, estratexias de acción e prazos de aplicación que permitan contribuír á consecución de resultados. O Plan debe avanzar tamén cara a unha maior transparencia coa sociedade civil e o Congreso dos Deputados, a quen o Goberno deberá informar anualmente sobre o cumprimento de devandito Plan.

Para Amnistía Internacional os dereitos humanos deben considerarse un interese nacional e deben estar no centro das políticas que se leven a cabo, de aí a importancia do II Plan de Dereitos Humanos. Só así se conseguirán avances que beneficien ás miles de vítimas de violacións de dereitos humanos que hai en todo o mundo, incluídas as do propio país. A pena de morte, a pobreza, a impunidade, o racismo, o dereito á vivenda, á saúde, entre outros, deben ser temas prioritarios na adopción deste Plan.

A continuación deixámosvos unha copia da carta.

Arquivos:

Carta_abierta_II_Plan_Derechos_Humanos_190112_1_.pdf