O mundo pode cambiar, pero non vai cambiar só

Amnistía Internacional convoca un día de acción global en solidariedade cos activistas da primavera árabe.

Amnistía Internacional convocou ás súas activistas de todo o mundo a celebrar, o vindeiro sábado 11 de febreiro, un Día de Acción Global para demostrar a súa solidariedade cos activistas da primavera árabe. Amnistía Internacional Vigo sumarase a esta Acción Global o mesmo sábado 11, na esquina de Príncipe con Velázquez Moreno, de 11:00h a 14:00h. 

Baixo o slogan "Non se pode reprimir a primavera", AI Vigo recollerá firmas que irán dirixidas aos gobernos de Egipto e Siria. O acto comezará coa lectura dun poema de Aayat Hasan Yusuf Mohmed Alqormozi, engaiolada por criticar a través do mesmo ao Primeiro Ministro de Bahrein (podes descargarche o poema en PDF). @s activistas de AI animarán ás persoas asistentes a pegar flores de papel nun gran panel para compoñer a palabra “Solidariedade”. Haberá ademais un taller no que as crianzas poderán fabricar as súas propias flores de papel. 

Arquivos:

Poema_Galego.pdf