Mundua alda daiteke baina ez da bakarrik aldatuko

2011ko abenduaren 2tik 18ra Bilbok "Amnesty Internationalen 50 urteak bere kartelen bitartez" erakusketari harrera egin dio Doña Casilda parkean, Arte Ederren Museoaren aurrean.

Erakusketa 24 kartel desberdinez konposatuta dago, artista desberdinek sortuak 50 urte hauetan zehar, aurten Juan Aizpitartek sortutakoa barne, non Iwao Hakamada-ren askatasuna eskatzen baiten.

Giza Eskubideen Nazioarteko Egunaren ospakizunaren aldi berean, abenduaren 10ean, Amnesty Internationalen Bilboko taldeak kale-ekintza bat antolatu zuen erakusketaren gune berean.